Familja e Hasan Salihamixhiçit ishte gjatë javës shënjestër e ofendimeve që erdhën në drejtim të gruas dhe fëmijëve të drejtorit sportiv në klubin bavaraz.
Ky i fundit është i padëshirueshëm nga tifozët e Bayernit, të cilët e fajësojnë për largimin e trajnerit Hansi Flick në fund të sezonit.
Bashkëshortja e ish-lojtarit të Bajernit foli për “Tz” duke dënuar sulmet ndaj familjes së saj dhe në veçanti burrit.
“Nuk mendoj që këto janë mënyrat e duhura për të gjykuar një njeri për punën e tij. Profesioni është diçka tjetër dhe jeta private një gjë tjetër. Hasan ka dhënë gjithçka për Bayernin dhe do të vazhdojë ta bëjë këtë gjë edhe në të ardhmen, por ofendimet nuk sjellin asnjë gjë të mirë”, tha bashkëshortja e lojtarin me anë të një postimi në “Instagram”.
Ndërkohë, për këtë çështje është prononcuar edhe vetë presidenti i skuadrës së Bayernit, Herbert Hainer, i cili tha se këto gjëra nuk kanë asnjë lidhje me vlerat që përfaqëson ky klub duke bërë thirrje për të ulur tonet dhe ndaluar ofendimet në drejtim të drejtorit sportive.
“Ndal me këto metoda, janë të shëmtuara”, tha Hainer. Edhe vetë trajneri Flik tha në konferencën për shtyp se këto gjëra nuk kanë lidhje me situatën në klubin gjerman.
