Manchester United dhe Arsenal janë të interesuar të nënshkruajnë me yllin e AC Milan, Hakan Calhanoglu, në afatin kalimtar të verës.
Sipas “Tuttosport”, Gunners dhe United janë të interesuar të nënshkruajnë me fantazistin turk, pasi ky i fundit ende nuk ka arritur marrëveshje për vazhdimin e kontratës me Milanin.
Reprezentuesi i Turqisë shihet si zëvendësuesi i Martin Odegaard në Arsenal, ndërsa edhe Utd është i interesuar ta ketë në skuadër mesfushorin turk.
Interesim për Calhanoglun ka shprehur edhe skuadra e Juventusit, dhe mbetet të shihet e ardhmja e tij.
27- vjeçari, këtë edicion ka zhvilluar 43 paraqitje me fanellën e Milanit në të gjitha garat, duke realizuar nëntë gola dhe 13 asistime.
