Në xhiron e 21-të të La Ligës, Barcelona është dashur të luajë në shtëpi kundër Rayo Vallecanos, por është vendosur që kjo ndeshje të shtyhet, njofton Insporti.
Një nga arsyet pse kjo lojë është pezulluar është se Barcelona ishte një nga katër skuadrat që luajtën në Superkupën e Spanjës.
Pa qenë i sigurt se cilët do të ishin finalistët (që do të luanin të dielën e 16 janarit), u vendos që të shtyhet ndeshja e “Culés” dhe po ashtu ajo e Atletico Madridit, e njëkohësisht Real Madridit dhe Athletic Bilbaos.
Gjëja e çuditshme është se pse nuk ka një datë të caktuar për ndeshjen mes Barcelonës dhe Rayo Vallecanos, siç ka për Atletico Madrid dhe Levante, të cilët do të duhet të përballen me njëri-tjetrin më 16 shkurt.
Arsyeja për këtë është se Barcelona duhet të përballet me Athletic Bilbao për Kupën e Mbretit më 19 janar (që përkon me datat në të cilat do të luhen ndeshjet e tjera të javës së 21-të).
