Carlo Ancelotti ka folur në konferencën për shtyp para ndeshjes së Kupës së Mbretit kundër Athletic Bilbaos, e vlefshme për çerekfinalet e kompeticionit. Trajneri i Real Madridit ndër të tjera ka prekur edhe skadimin e pretenduar të licencës si trajner që kishte bërë bujë ditët e fundit.
Tekniku italian sqaroi situatën, ja fjalët e tij:
“Jam një njeri që përpiqem t’i bindem ligjit, mendoj se ishte një keqkuptim.
Kishte skaduar por Federata Spanjolle më ndihmoi me një kurs në tetor. Ishte një problem komunikimi. Më duhet të falënderoj trajnerët spanjollë për atë kurs”.
SFIDA E VËSHTIRË DHE BENZEMA – “Do të jetë një ndeshje shumë e rëndësishme për ne, jemi shumë të emocionuar.
E komplikuar, me një atmosferë të jashtëzakonshme. Kemi luajtur shumë herë këtë sezon kundër tyre dhe mendoj se do të jetë një ndeshje shumë e ekuilibruar.
