Komiteti Ekzekutiv i UEFA-s e ka miratuar sot rregulloren e re të UEFA-s për licencimin e klubeve dhe rregulloren e qëndrueshmërisë në mbledhjen e tij në Nyon të Zvicrës.
Kjo rregullore është pjesë e reformave të para të madhe financiare të shtëpisë së futbollit evropian që nga viti 2010, njofton UEFA.
Nisur nga emri i tyre, nuk është befasi që objektivi kryesor i rregullave të reja është arritja e qëndrueshmërisë financiare.
Këto do të arrihen përmes tri shtyllave kryesore: aftësisë për të paguar, stabilitetit dhe kontrollit të kostos.
Ndryshimi më i madh është rregulla e re e cila do t’i kufizojë klubet në bërjen e transfereve të lojtarëve.
Me këtë rast, rregulli i kufizon harxhimet në rroga, transfere dhe pagesat e menaxherëve, të cilat nuk duhet ta kalojnë 70 për qindëshin e të ardhurave të klubit.
Rregullorja e re do të hyjë në fuqi nga qershori i këtij viti.
Dhe, do të ketë implementim gradual në tri vjetët e ardhshëm, pasi do t’ua mundësojë klubeve që të adaptohen me këtë rregull të ri.
