Ish-trajneri i Barcelonës, Ronald Koeman ka folur rreth situatës në klubin katalonas.
Trajneri holandez theksoi se ndjen keqardhje për situatën momentale të klubit, teksa tha se është e njëjtë me atë që e kisha unë.
“Situata e Barcelonës, e skuadrës dhe e klubit është e njëjtë si kur isha. Kjo do të thotë se ndryshimi i trajnerit nuk do të thotë gjithmonë të jesh në gjendje të përmirësohesh. Situata e klubit më dhemb, më dhemb mua. Unë kërkoj vetëm mbështetjen maksimale për Xavi. Ai është një trajner i mirë dhe një legjendë e klubit. Nuk është faji i tij që Barcelona është në këtë situatë”, tha Koeman për Mundo Deportivo
Koeman kërkon mbështetje nga klubi i Barcelonës për Xavin, pasi sipas tij, ai nuk e kishte.
“E vetmja gjë që kërkoj është mbështetja për Xavin. Nuk e pata mbështetjen e plotë të presidentit, por shpresoj që ai të ketë mësuar dhe të mbështesë Xavin. Nuk kam pasur mbështetjen e plotë të klubit: Shpresoj që Xavi ta ketë. Kur unë u largova nga Barcelona, diferenca me Real Madridin ishte 8 pikë. Tani është gati dyfish”, u shpreh ai.
Momentalisht, Barcelona është në vendin e dytë me 63 pikë, 15 më pak se Real Madridi që prin në renditjen tabelare.
