Barça do të jetë në gjendje të mburret me dy “The Best” në sezonin e ri. Askush tjetër, veç Alexia Putellas dhe Robert Lewandowski ia jep këtë status skuadrës katalanase. Të dy lojtarët, përveç se ndajnë çmimin e të qenit më të mirët në botë (meshkuj dhe femra) për vitin e kaluar, do të ndajnë edhe të njëjtat ngjyra. Sigurisht, të dy janë fituesit aktualë të çmimit “The Best FIFA”.
Alexia Putellas ka qenë dhe është një lojtare kyç në skuadrën e Jonathan Giráldez. Numrat e saj garantojnë kurorën si lojtarja më e mirë në botë. Në mënyrë të ngjashme, Lewandowski mori të njëjtën njohje për të dytin vit radhazi, pas sezonit të bujshëm me Bayern Munich.
Polaku ishte plot lëvdata për Putellas në gala-në “The Best”: “Alexia Putellas është një person plot pasion dhe dashuri për futbollin, një frymëzim për shumë lojtarë të rinj. Urime për sukseset tuaja, do t’i shikoj ndeshjet tuaja dhe do t’i mbaj gishtat të kryqëzuar!”
Tani, nënshkrimi i tij i afërt me Barcelonën do të bëjë që dy “The Best FIFA” të përkojnë te klubi katalanas i futbollit. Me largimin e Messit, Xavi kërkonte një yll dhe tani e ka. Lewandowski vjen për t’u bërë referencë në sulmin e Barçës. Polaku, me 33 vitet e tij shumë të diskutueshme, do të arrijë në klubin “culé” pasi ka shënuar 50 gola në 46 ndeshje zyrtare, sezonin e fundit.
Skuadra azulgrana, aq e dobësuar financiarisht dhe me kaq pak hapësirë për manovrim në përforcime, po revolucionarizon tregun. Drejtimi i bordit të Laportës dhe dëshira e Lewandowskit për të ardhur te Barça po bëjnë realitet një marrëveshje që dukej utopike. Polaku parashikon të jetë një nga yjet e skuadrës sezonin e ri dhe ta çojë Barçën, edhe një herë, në vijën e parë të konkurrencës në të gjitha kompeticionet.
