Sigurisht që nuk është fillimi i sezonit që shumëkush priste për Inter-in, Inter-i i dytë, i drejtuar nga Simone Inzaghi. Trajneri nga Piacenza është zhgënjyes dhe pritshmëria ishte krejtësisht ndryshe për zikaltrit.
Pasi një vit më parë e mbylli sezonin me një titull të humbur në javën e fundit dhe dy trofe të fituar, Superkupën e Italisë dhe Kupën e Italisë, të dyja të fituara kundër Juventus-it të Massimiliano Allegrit, Simone Inzaghi duket se ka humbur pak rrugën në këtë pjesë të parë.
Praktikisht, në 50% të ndeshjeve të luajtura nga milanezët deri tani, në tabelë ka mbërritur një zero, me fitore vetëm ndaj kundërshtarëve të kalibrit të ulët në krahasim me humbjet: Lazio, derbi kundër Milanit dhe, të mërkurën në mbrëmje, Bayern Munich i Julian Nagelsmann.
Në merkaton e verës, Inter-i riktheu te Appiano Gentile ndoshta lojtarin më vendimtar të titullit të fundit: Romelu Lukaku.
Sulmuesi belg, në mosmarrëveshje me tashmë ish-trajnerin e Chelsea-t, Tuchel, ka zgjedhur të rikthehet te zikaltrit dhe, në dy ndeshjet e para të Serisë A, ndikimi i tij është parë pozitivisht në lojën e ekipit. Megjithatë, rreziku është që skuadra të bëhet sërish shumë i varur nga Lukaku.
Inzaghi është thirrur të gjejë zgjidhje, ndërsa stoli i tij, të paktën për tifozët, është padyshim i lëkundur. Titulli i humbur kundër Milan-it sezonin e kaluar ishte një kafshatë e hidhur për t’u gëlltitur për tifozët, të cilët kurrë nuk e kanë vlerësuar plotësisht punën e trajnerit nga Piacenza, i cili tani shihet si përgjegjësi kryesor.
Një përgjegjësi nga e cila nuk përjashtohen lojtarët dhe drejtuesit. Pas ofertës së vonuar që iu bë Perisic, në fakt, Marotta dhe kolegët zgjodhën dyshen Dimarco-Gosens, me këtë të fundit, i cili, megjithatë, shfaqi disa mangësi në përgatitje.
Ajo që vitin e kaluar dukej një skuadër e dobësuar, por ende me individualitet të fortë dhe plot personalitet, sot duket një skuadër e dobët dhe gati për të rënë në vështirësinë e parë.
Inter 2.0 i Simone Inzaghi-t, të paktën për këtë pjesë të parë të sezonit, nuk ka urinë dhe vendosmërinë e sezonit të kaluar. Derbi ishte manifesti ideologjik i kësaj shpërbërjeje të mentalitetit.
Për më tepër ka dy çështje të rëndësishme: nyja Handanovic dhe përgatitje atletike. Për të parën, tani në rrugën e perëndimit të diellit, zëvendësimi me Onana tani duket vetëm çështje kohe; në çështjen e dytë, Interi është në gjysmë të rrugës mes skuadrave të tjera të mëdha, si në Serie A, ashtu edhe mbi të gjitha në Champions League.
Nëse trendi nuk ndryshon, klubi zikaltër do të rrezikonte seriozisht ta shohë sezonin të komprometuar që në tetor.
