Trajneri i Francës, Didier Deshamp foli pas humbjes në finalen e madhe kundër Argjentinës. Ai u shpreh i zhgënjyer pas disfatës dhe e la pezull vazhdimësinë e tij në krye të skuadrës franceze.
“Sot nuk kam dëshirë të flas për të ardhmen time.
Në fillim të vitit të ardhshëm do të takohem me presidentin (Noël Le Graët) dhe do të shohim. Edhe sikur rezultati të ishte ndryshe, sot nuk do t’i përgjigjesha kësaj pyetjeje. Jam i trishtuar për lojtarët dhe stafin e trajnerëve. Do të takohem me presidentin.
Kemi vënë shumë zemër dhe energji për t’u rikthyer në këtë ndeshje. Kur kthehemi nga askund dhe na shpëton, është edhe më e vështirë për t’u tretur, por duhet ta pranojmë. Argjentina ka shumë cilësi dhe ka vendosur shumë agresivitet në fushë.
E prisnim. Nuk e marr meritën për të. Kemi përjetuar shumë emocione. Është diçka mizore. E kishim trofeun afër por nuk mundëm ta merrnim”, u shpreh Deshamp.
