Kapiteni Legjendar i Kombëtares Shqiptare, Lorik Cana ka mbështetur kërkesën e Qendrës “Gjenocidi në Kosovë – Plagë e Hapur” që lulëkuqja me katër petale të bëhet simbol i përkujtimit të viktimave të gjenocidit në Kosovë.
Cana këtë e ka bërë të ditur në rrjetin social Facebook, shkruan Qendra “gjenocidi në Kovë – Plagë e Hapur”.
“Mbështes nismën e Qendrës ‘Gjenocidi në Kosovë-Plagë e hapur’ që lulëkuqja me katër petale të shndërrohet në simbol të përkujtimit të viktimave të gjenocidit”, ka shkruar ai.
Qendra “Gjenocidi në Kosovë – Plagë e Hapur” ka shprehur mirënjohjen për kapitenin Lorik Cana për mbështetjen e rëndësishme që i ka dhënë lulëkuqes.
“I është mirënjohës për gjithçka që ka bërë për të afirmuar kombin tonë në botë”, ka shkruar Qendra.
