Simon Simoni ka hedhur një hap të madh duke u transferuar nga Dinamo tek Eintracht Frankfurt në Bundesliga. Portieri i talentuar shqiptar, firmosi deri në vitin 2027 me kampionët në fuqi të Europa League.
18-vjeçari ka nisur sot përgatitjet me Eintrachtin, teksa do të mbajë veshur fanellën me numrin 41. Skuadra e Oliver Glasner ka filluar zyrtarisht stërvitjet për pjesën e dytë të sezonit 2022/2023.
Eintrachti renditet në vendin e katërt në Bundesliga dhe takimin e parë për këtë vit e luan ndaj Schalke 04 në shtëpi (21 janar).
Skuadra gjermane vazhdon garimin edhe në Champions, kompeticion ku do të sfidojë Napolin për një biletë në çerekfinale.
