Fernando Santosi ka nisur nga puna me Kombëtaren polake, ku ka përgatitur një listë të gjerë me 50 lojtarë për ndeshjet e muajit mars.
“Przeglad Sportowy Onet” njofton se Federata Polake ka dërguar sot ftesat për 50 lojtarë.
Një numër i lartë ky, për shkak të dëmtimeve të shumta që mund të pësojnë futbollistët deri në momentin e grumbullimit.
Megjithatë lista do të ndryshojë sërish dhe do të marrë trajtën përfundimtare më 17 mars.
Pikërisht në këtë datë do të publikohet edhe lista e shkurtuar me 25 lojtarë që do të jenë në dispozicion të Santosit për përballjet me Çekinë dhe Shqipërinë.
