Një sezon shumë i veçantë që po përjeton Arsenal-i i Mikel Arteta-s, i cili, pasi ishte në krye të renditjes së Premier League disa pikë përpara rivalëve të tyre, tani po kryeson me vetëm një pikë të mundshme më shumë se Manchester City i vendit të dytë.
Roy Keane, ish-mesfushori legjendar i Manchester United, komentoi paraqitjet e fundit të Topçinjve në Sky Sports, duke mos e kursyer skuadrën londineze.
“Me vendin e dytë, sezoni nuk do të ishte një sukses.
Nuk ka asnjë shans.
Ata janë eliminuar nga të gjitha kupat, kanë një skuadër të mirë, kanë filluar mirë, por më pas…”, tha Keane.
“Arsenali ka humbur pikë në ndeshjet ku kishte 2-0 në avantazh kundër Liverpool dhe West Ham, kështu që këto ishin shanse të mëdha për të fituar.
Nëse ata nuk e fitojnë kampionatin do të jetë një zhgënjim i madh.
“Ata ishin të rraskapitur në fund të ndeshjeve që luajtën.
Nuk mund të thuhet me siguri se ata janë gati për betejë (kundër Manchester City).
Por mbi të gjitha ata nuk po argëtohen.
Arsenal-it i mungonte soliditeti dhe nëse ata përfundojnë të dytët do të jetë një zhgënjim".
