Trajneri i Prishtiëns, Debatik Curri ia ka uruar fitoren Dritës.
Ai ka thënë se në pjesën e parë, futbollistët e tij kanë respektuar më shumë se që është dashur Dritën.
“Drita ka një skuadër të mirë dhe ne ndoshta në pjesën e parë respektuam më shumë se që duhej.
Në pjesën e dytë ndryshuam diçka dhe kishim posedimin e topit, por jo edhe raste për gol, me përjashtim të rastit të Endrit Krasniqit”.
“Dritës ia uroj fitoren, kurse neve na mbetet të përgatitemi për ndeshjen e ardhshme.
Sa i përket anës fizike, jemi në nivel dhe tani do ta kemi një javë të plotë për t’u bërë gati për ndeshjen e ardhshme”, ka thënë Curri.
Drita mposhti Prishtinën 1:0 në Gjilan për t’u kthyer te fitorja dhe në krye të tabelës.
