Në prag të euroderbit, ish-presidenti legjendar i Interit, Masimo Morati ka dhënë një intervistë për “La Gazzetta dello Sport”.
Ai rikujtoi humbjen në 2003-shin si dhe foli për mungesën e mundshme të Milanit. Ndër të tjera, Morati u shpreh se ka shpresa tek dyshja Xheko-Lautaro.
“Në vitin 2003, mungesat peshuan shumë.
Nëse Leao do të mungojë sonte, do të ishte një humbje serioze për Milanin.
Në këtë nivel, me gjithë ngarkesën e emocioneve që mbart me vete kjo ndeshje, gjithçka rivendoset në fillim.
Njeriu strategjik për sot është Barela sepse po bëhet simbol, krijon identifikim me tifozët dhe për mua është motori i skuadrës.
Më pëlqen edhe qëndrimi i Onanës, ai është vërtet i guximshëm dhe mbi të gjitha portier i mirë. Lautaros i “hanë” këmbët për gol, dhe dyshja më e besueshme në sulm është Xheko-Lautaro, edhe pse Lukaku po rritet shumë”..
