Erling Haaland ka nënshkruar një kontratë të majme me markën e modës Dolce & Gabbana.
Marrëveshja thuhet se ka vlerë deri në 2 milionë sterlina.
Lajmi është dhënë nga The Mail on Sunday, të cilët thonë se Dolce & Gabbana janë marka e parë e modës që ka tërhequr yllin e Manchester City.
Ndërkohë, PrettyLittleThing pretendohet gjithashtu të jetë e prirë për të nënshkruar një marrëveshje me Haaland.
22-vjeçari shkoi të takonte themeluesin e PLT-së, Umar Kamani, në rezidencën e tij në Dubai në dhjetor, por ende nuk ka arritur marrëveshje me kompaninë.
Por The Mail thotë se Dolce & Gabbana tashmë ka arritur një marrëveshje me Haaland.
Makina e golit është parë duke veshur markën luksoze në profilin e tij në Instagram.
Pas lajmeve për marrëveshjen e tij me Dolce & Gabbana, një burim i tha The Mail: “Ai është njeriu i momentit. Ai është masiv dhe Dolce & Gabbana e ka kapur e para.
“Kjo është një marrëveshje e madhe për ta. Ai i ka sjellë veshjet e tyre në vëmendje të fansave të tij, duke i bërë ato të këndshme për të rinjtë”.
Ndërkohë në fushë, Haaland ka shijuar një sezon debutues mahnitës në Premier League pasi u transferua nga Borussia Dortmund verën e kaluar.
Sulmuesi norvegjez ka shënuar 51 gola këtë sezon, numri më i lartë i golave i shënuar nga një lojtar i Premier League në të gjitha kompeticionet.
Golat e tij e kanë ndihmuar City-n që të jetë në garë për një Triplete historike.
Skuadra e Pep Guardiola-s janë në krye të renditjes së kampionatit, në finalen e FA Cup, dhe barazuan 1-1 me Real Madridin në ndeshjen e parë gjysmëfinale të Champions League.
