Ish futbollisti i skuadrës së famshme kroate, Andrej Panadiç, si sot i kujtohet ndeshja me legjendën e futbollit të Kosovës, të ndjerin Fadil Vokrri.
Panadiç që nga viti 1988 ka qenë pjesë e Dinamos dhe bashkëlojtar edhe me legjendë e futbollit të Kosovës, Kujtim Shala.
Ish trajneri i Ferizajt, e kujton Vokrrin që nga koha kur ka luajtur në Partizan të Beogradit.
Çfarë thotë për Vokrrin?
“Një emër, i cili është shumë i rëndësishëm për futbollin e Kosovës është Fadil Vokrri. Unë e kujtoj nga Partizani”, thotë për mediumin nga Maqedonia e Veriut, “Open.tv”.
Kur ka luajtur kundër Vokrrit?
“Unë kam luajtur një ndeshje kundër tij në Beograd. Lojtar shumë i fuqishëm, sulmues shumë kualitativ, shumë i fortë, teknilkisht, cilësor, i shpejtë.
Nëse tash e kthej atë kohë, me të tanishmen unë mendoj se një tip lojtar si Fadil Vokrri do të vlente 20-30 milionë euro, që sot nuk do të ishte kurrfarë çudie. Unë e kujtoi si njeri të shkëlqyeshëm”, ka thënë ish lojtari kroat Panadiç.
