Ish-mbrojtësi i Barcelonës Dani Alves, rrezikon deri në 12 vjet burgim.
Kjo nëse shpallet fajtor për sulm seksual.
Ai u arrestua vitin e kaluar në klubin e natës “Sutton” në Barcelonë nën dyshimin për përdhunimin e një gruaje të re spanjolle në banjon e këtij lokali.
Siç shkruan AFP, braziliani ishte për pushime në Spanjë, pasi luajti me Brazilin në Kupën e Botës “Qatar 2022”.
Ai është mbajtur në paraburgim që nga ajo kohë.
Atij iu mohua lirimi me kusht, pasi autoritetet thuhet se e konsideruan atë si rrezik për të ikur nga burgu.
40-vjeçari tha në qershor se ai ka “ndërgjegje të pastër”.
Ende nuk është caktuar ndonjë datë për fillimin e gjykimit ndaj tij.
