Sir Alex Ferguson ka emëruar Aston Villan si skuadrën që i bëri më shumë përshtypje në javën hapëse të sezonit të ri të Premier Ligës, ndërsa vlerësoi gjithashtu qasjen e Arsenalit të orientuar drejt të rinjve.
Pas raundit të parë të ndeshjeve, skuadra e Unai Emery qëndron në fund të tabelës pas humbjes 5-1 nga Newcastle United në “St James' Park” të shtunën mbrëma.
Pavarësisht rezultatit, legjenda e Mançester United, Ferguson, u impresionua me atë që pa nga Villa, duke thënë se rezultati nuk tregon atë që u pa në fushë.
I pyetur se cila skuadër i kishte bërë më shumë përshtypje në fundjavë, Sir Alex tha
“Për të qenë i sinqertë me ju, pashë Aston Villan kundër Newcastle dhe nuk mund ta besoj rezultatin. Sinqerisht, Aston Villa luajti futboll fantastik, edhe pse humbi.”, shtoi skocezi.
Ai tutje tha se skuadra e Premier Ligës do ta kenë shumë të vështirë ta mposhtin Newcastile Unitedin në terrenin e tyre.
“Newcastle do të jetë shumë e vështirë për t'u mposhtur në terrenin e tyre në veçanti dhe trajneri Eddie Hoëe ka bërë një punë të shkëlqyer atje.”, shtoi ai.
Sir Alex nënvizoi gjithashtu rëndësinë e sjelljes dhe zhvillimit të talenteve të rinj dhe ndjen se skuadra aktuale e Arsenalit dhe Bukayo Saka në veçanti janë një shembull i shkëlqyer i kësaj.
