Ekipin kuqezi e presin dy ndeshje vendimtare më 7 dhe 10 shtator, ndaj Çekisë në transfertë dhe tri ditë më vonë në “Air Albania” ndaj Polonisë.
Një rikthim tejet i rëndësishëm do të jetë ai i mbrojtësit Ivan Balliu.
Në një intervistë të dhënë para ndeshjes ndaj Atletico Madrid në La Liga, mbrojtësi shqiptar ka folur edhe për dy ndeshjet e shtatorit të Kombëtares.
Balliu është shprehur se këto dy takime janë tejet të rëndësishme dhe për këtë arsye lojtarët duhet të bëjnë më të mirën në fushën e lojës që të marrin maksimumin e pikëve.
“Kemi objektiv pjesëmarrjen në Europian, shpresoj t’ia dalim.
Na presin dy ndeshje të rëndësishme tani në shtator, na duhet të fitojmë”, ka thënë Balliu.
