Erzeni-Laçi ndajnë pikët në javën e dhjetë!
Erzeni dhe Laçi nuk shkojnë më shumë se barazimi 0-0 në ndeshjen e vlefshme për javën e 10-të të Kategorisë Superiore.
Në stadiumin “Arena e Demave”, të dyja skuadrat krijuan rastet e tyre, treguan dëshirë dhe grintë, por goli ishte një mision i pamundur.
Një barazim që rikthen të dyja skuadrat te pikët, kjo pasi si shijakasit ashtu edhe kurbinasit u prezantuan në këtë përballje pas humbjeve respektive, ndërkohë që tani, Erzeni prek kuotën e 12-të pikëve në vendin e tetë, ndërsa Laçi qëndron momentalisht në vendin e tretë me 14 pikë.
