Pioli: Mund të kishim shënuar 4 gola, duhet të punojmë për t’u bërë ekip i madh
Milani nuk shkoi më shumë se barazimi 2-2 në transfertë ndaj Salernitanës. Në lidhje me këtë përballje foli edhe trajneri i kuqezinjve, Stefano Pioli, i cili në deklaratën e dhënë për mikrofonin e “DAZN”, ndër të tjera u shpreh:
Çfarë ju lë ky barazim?
“Na lë keqardhje, si shumë herë këtë sezon.
Nuk ishte e lehtë të dilnim nga ngërçi dhe ia dolëm, më pas bëmë gabime që nuk mund t’i përballojmë.
Në fund u rikuperuam dhe morëm një rezultat pozitiv, por kjo nuk është performanca që ne donim të bënim në fushë”, tha Pioli.
