Tek Interi ka shumë eufori, momenti është sigurisht i shkëlqyer.
Skuadra e Simone Inzaghit është në krye të renditjes, ka fituar përballjen direkte ndaj Juventusit dhe mbi të gjitha shijon avantazhin prej 7 pikësh ndaj bardhezinjve, me një ndeshje ende për ta rikuperuar.
Një situatë që i bën fansat zikaltër si “mbi hënë”, çka mund ta shihni nga pjesëmarrja e tyre në “San Siro”. Siç raportohet në edicionin e sotëm të “Gazzetta dello Sport”, këtë sezon mesatarja e shikuesve të Interit në shtëpi shkoi nga 72.630 (sezonin e kaluar) në 73.089.
Një entuziazëm që pushton ekipin dhe mund të jetë më i madh nëse analizoni kalendarin.
Nëse trendi i zikaltërve do të përmirësohej, skuadra e Inzaghit mund ta festonte yllin e dytë të mundshëm në derbin kundër Milanit më 21 prill. Padyshim që do të ishte fitimi më i dëshiruar i titullit.
Një situatë e cila megjithatë nuk e prek Simone Inzaghi.
Në fakt, trajneri i Interit kërkon përqendrim brenda grupit dhe të mendohet ndeshje pas ndeshje, pa shpërqendrime.
Objektivi i ditëve të fundit ka qenë rishikimi i ndeshjes në Romë për të korrigjuar gabimet e bëra dhe për të vazhduar rrugën e trasuar. Titulli është ende larg, por Interi dëshiron të vazhdojë në këtë rrugë.