Federata e Futbollit e Kosovës sot ka prezantuar selektorin e ri të Kombëtares së Kosovës.
Është Franco Foda, ai, i cili do t’u prijë Dardanëve në dy vitet e ardhshme, teksa do ta nisë punën me ekipin në muajin e ardhshëm për dy ndeshjet miqësore kundër Armenisë dhe Hungarisë.
Foda tha se e ka pa stadiumin “Fadil Vokrri” në Prishtinë.
“I kam parë kushtet këtu.
E kam parë stadiumin, objektin e Federatës dhe e kam pasur shumë të lehtë të vendos për Kosovën.
Ekipi më duket shumë atraktiv dhe me disa ndryshime të vogla, do të kemi sukses”, ka nënvizuar 57-vjeçar.