Nuk ka fitues në derbin e madh anglez, mes Liverpoolit dhe Manchester Cityt.
Përballja e gjigantëve ka përfunduar baras (1:1) në kuadër të javës së 28-të të Premier League.
Atmosferë madhështore në stadiumin “Anfield”, të dy ekipet treguan lojë të fortë.
Pamje nga ndeshja
Në minutën e 23-të, Manchester City kalon në epërsi, Kevin de Bruyne asiston nga këndi aty ku Stones mposht portierin Kelleher.
Në fillim të pjesës së dytë përkatësisht në minutën e 47-të, Ake gaboi me topin e kthyer pas, Ederson del dhe i shkakton faull Nunez, nuk ka dyshime, penallti për Liverpoolin.
MacAllister e shndërron në gol 11-metërshin e fituar nga Nunez në minutën e 50-të.
Në minutën e 63-të, pasim perfekt i Mohamed Salah për Luis Diaz, kolumbiani i vetëm me portierin Ortega gabon në mënyrë të pafalshme.
Në minutën e 89-të Doku i pafat, brenda 16-shit godet fuqishëm dhe shtylla e majtë e poshtme e ka shpëtuar Liverpoolin.
Arsenali kryeson me 64 pikë, sa ka edhe Liverpooli, ndërsa Manchester City renditet në vend të tretë me 53 sosh.
