Arsenali dhe Chelsea kanë kaluar tutje në EFL Cup, duke mposhtur Blackpoolin, respektivisht Derbyn.
‘Gunners’ në ‘Emirates Stadium’ kanë arritur të mposhtin 2:1 Blackpoolin në EFL Cup, për të vazhduar tutje në këtë garë, shkruan lajmi.net.
Lichststeinier dhe Smith Rowe shënuan për fitoren e Arsenalit, ndërsa golin e vetëm për mysafirët e Blackpool e shënoi O’Connor’.
Fitore aspak të lehtë prej 3:2 ka realizuar Chelsea përballë Derby Coutny, skuadër e cila drejtohet nga ish mesfushori i tyre, Frank Lampard.
Katër nga pesë golat në këtë ndeshje, i shënuan lojtarët e Derbyt, dy prej tyre aksidentalisht në portën e tyre.
Tomori me autogol në minutën e 5’ i dha epërsinë Chelseas, ndërsa Marriott në minutën e 9’ barazoi në 1:1.
Gabimin e Tomori e përsëriti Keogh, që në minutën e 21’ shënoi autogol për të kaluar Chelsean në epërsi prej 2:1. Kjo epërsi nuk zgjati më shumë se gjashtë minuta, me Waghom që barazoi 2:2.
Golin e fitores për Chelsea e shënoi Cesc Fabregas, në minutën e 41’, për 3:2.
