Prishtina është lider i ri në elitën e futbollit të Kosovës. Skuadra me renome nga kryeqyteti fitoi kryendeshjen e stinorit, me rezultat 1:0 ndaj Feronikelit, e cila u zhvillua në stadiumin “Rexhep Rexhepi” në Drenas. Kjo ndeshje ka qenë e mbetur e javës së 10-të, e cila mblodhi rreth 4 mijë shikues. Feronikeli e humb kryesimin, duke ia lëshuar vendin Prishtinës, që bëri lojë shumë të mirë. Në minutën e 57-të, një veprim i rrjedhshëm i Prishtinës rezultoi me gol.
Futbollisti Mario Morina gjendet shumë bukur brenda 16-shit dhe nga një pozitë ideale me goditje të saktë tund portën e vendasve, 0:1. Megjithatë, mbetet me një futbollist me pak nga minuta e 65-të, kur nga loja u përjashtua futbollisti Diar Miftaraj. Trajneri i Prishtinës Mirel Josa realizoi qëllimin e tij, që të kthehet me pikë të plota nga një terren i vështirë, kurse homologu i tij, Zekirija Ramadani, është i dëshpëruar me humbjen. Prishtina udhëheq kreun me 33 pikë, ka një më shumë se Feronikeli pas 14 javëve të luajtura deri me tash. KEK-u nga Kastrioti vazhdon pa fitore në elitë. Ata si vendas pësuan humbje me rezultat 1:0 nga Ferizajt, në ndeshjen e mbetur të javës së 10-të. Në minutën e 41-të, futbollisti Dren Gashi realizoi për 0:1.
Në pjesën e dytë u shënuan edhe dy gola, kur Ervin Kaçar në minutën e 75-të dyfishoi epërsinë e ferizajasve dhe Rilind Nimani (77’) e ngushtoi humbjen në 1:2. Për ferizajasit është fitore e madhe dhe që iu shpresa të mëdha që të përmirësohen edhe më shumë në javët në vazhdim. Ndërkaq, KEK-u me humbjen e radhës përfundimisht do ta ketë shumë vështirë t’i ikë pozitës së fundit deri në fund të edicionit, vetëm nëse ndodhë ndonjë mrekulli në 19 javët e radhës. Ferizaj ngjitet në vend të dhjetë me 14 pikë, kurse KEK-u është i fundit me 1 pikë.
IPKO Superliga e Kosovës
Feronikeli-Prishtina 0:1
KEK-u-Ferizaj 1:2
Tabela
1. Prishtina 14 10 3 1 33
2. Feronikeli 14 10 2 2 32
3. Llapi 14 8 2 4 26
4. Drita 14 7 1 6 22
5. Flamurtari 14 6 4 4 22
6. Gjilani 14 6 3 5 21
7. Drenica 14 5 3 6 18
8. Ballkani 14 5 3 6 18
9. Trepca 89 14 3 7 4 16
10. Ferizaj 14 4 2 8 14
11. Liria 14 4 1 9 13
12. KEK-U 14 0 1 13 1