Hendbollistja Tina Hetemi rikthehet në radhët e ekipit të Istogut, kampione dhe fituese e Kupës së Kosovës.
Istogu e vlerëson si përforcim të madh dhe me synime që të mbrojë trofetë në edicionin e ri.
“Tina Hetemi rikthehet te kampionet!
Tina Hetemi pas një viti të kaluar tek skuadra e Superligës turke Tekirdag Süleymanpaşa sportif A.S është rikthyer tek skuadra kampione e Kosovës Istogu.
Tina Hetemi është prurja e radhës e Istogut para fillimit të përgaditjeve për sezonen e re të superligës së Kosovës dhe fillimin e edicionit të ri të EHF Europa Cup që fillon në Tetor.
Tina Hetemi është njëra nga prurjet e këtij viti, ndërsa ditëve në vijim pritet konfirmimet e lojtarëve që ishin edhe vitin që lamj pas pjesë e Istogut”, njofton KHF Istogu.
