Atmosferë shumë pozitive po mbretëron te Kombëtarja e Kosovës në hendboll (femrat).
Kombëtarja është mbledhur të dielën kur e ka zhvilluar stërvitjen e parë në Prishtinë. Ndërkohë të hënën paradite është zhvilluar stërvitja e dytë.
Nën urdhërat e selektorit Agron Shabani, vajzat tona po përgatiten për dy ndeshjet e vështira dhe vendimtare për kualifikim në Kampionatin Botëror të këtij viti. Përballë Kosovës do të jetë Polonia,
Kombëtarja me traditë të gjatë dhe e nivelit të lartë evropian .
Ndeshja e parë luhet të enjten prej orës 17:45 në Bielsko-Biala të Polonisë.
Për në Poloni, Kombëtarja jonë udhëton të martën.
Ndërkohë ndeshja e kthimit është më 12 prill nga ora 20:15 në Prishtinë.
Hendbollistet tona po punojnë me përkushtim maksimal për t’u përgatitur sa më mirë për ndeshjet me polaket.
Të kujtojmë që në fazën e parë kualifikuese, Kosova e eliminoi Kombëtaren e Ishujve Faroe, për suksesin historik.
