Kombëtarja e Kosovës po përgatitet për sfidën e kthimit të kualifikueseve për Kampionatin Botëror në hendboll.
Ndeshjen e parë e humbën me rezultat të thellë 36:22 nga Polonia.
Federata e Hendbollit e Kosovës përmes një postimit thotë se nga përballjet me gjigantët mësojnë!
Edhe sa përballje duhet që të mësojnë?
“Mësojmë nga përballjet me gjigantët evropianë, edhe kur rezultati nuk është ai i synuari.
Jemi në ngritje të vazhdueshme dhe paraqitja në fazën e fundit kualifikuese për Botëror është dëshmi.
I kthehemi ndeshjes së dytë me Poloninë, që e luajmë të mërkurën mbrëma në Prishtinë.
Vajzave tona u duhet përkrahja nga tribunat.
Çmojmë kontributin dhe angazhimin e tyre për fanellën, ngjyrat e shteti”, thuhet në njoftimin e FHK-së.
