Kombëtarja e Kosovës e femrave në hendboll do ta luajë sot ndeshjen e kthimit ndaj Polonisë, në kuadër të fazës së dytë kualifikuese drejt Kampionatit Botëror të këtij viti.
Vashat kosovare dhe ato polake përballen sot në Pallatin e Rinisë dhe Sportit në Prishtinë me fillim nga ora 20:15.
Ndeshja e parë, që u zhvillua në Bielsko-Biala, përfundoi me fitore të vashave të Polonisë, të cilat mposhtën “Dardanet” me shifrat 36:22.
Hendbollistet tona janë optimiste për paraqitje të denjë, ndërsa kanë premtuar luftë sportive nga fillimi e deri në fund për të prezantuar sa më mirë ngjyrat e shtetit.
Të kujtojmë që në fazën e parë kualifikuese, Kosova e eliminoi Kombëtaren e Ishujve Faroe, për suksesin historik.
20:15 Kosova – Polonia (Pallati i Rinisë dhe Sporteve në Prishtinë)
