Haris Berisha ka bërë një tjetër ndeshje pozitive për Kombëtaren e Kosovës.
Në humbjen 26:24 nga Mali i Zi, Berisha bëri plot 16 pritje.
Ai kishte ndeshje të mirë edhe ndaj Bosnjë-Hercegovinës, që po ashtu mbeti pa u shpërblyer me pikë.
Edhe te Mali i Zi u shqua portieri.
Nebojsha Simiq i kishte 18 pritje.
“Kemi pasur mundësinë sot që të tregojmë më të mirën ndaj Malit të Zi.
E dimë të gjithë se çfarë cilësish ka Mali i Zi.
Kemi fituar përvojë të mirë. Rezultatin e kemi afruar në 2-3 gola, por shpresojmë që paraqitja e sotme të na shërbejë për të ardhmen. Jemi munduar të luftojmë në mbrojtje maksimalisht.
Eksperienca e Malit të Zi bëri dallimin. Problemi jonë është në sulm, nuk jemi të koncentruar 100% ndaj portierëve kundërshtarë.
Duhet ta rregullojmë këtë situatë. Ne kemi gjeneratë të re dhe shpresoj që në vitet e ardhshme të jemi një Kombëtare shumë e fortë.
Uroj të arrijmë fitore edhe ndaj ndonjë skuadre shumë të fortë”, ka thënë Haris Berisha.
