Sot në orën 18:00 kombëtarja e Sllovenisë do të takohet me Kosovën.
Është ndeshja e fundit në kualifikueset për Kampionatin Evropian n[ë hendboll, që do të mbahet në vitin e ardhshëm në Gjermani.
Kosova kërkon pikën e parë në Velenje
“Sllovenia ka siguruar tashmë një vend në Kampionatin Evropian para ndeshjeve të fundit, ndaj trajnerit iu ofron mundësi të testojë disa lojtarëve më të rinj.
Tri ditë më parë, skuadra e hendikepuar humbi ngushtë (27:26) nga Bosnja dhe Hercegovina në Cazin.
Zorman është i kënaqur me mbrojtjen e tij, por kërkon përqendrim në sulm ndaj Kosovës.
Ka qenë humbja e parë e sllovenëve në këto kualifikime. Skuadrës së Zormanit, i mungojnë lojtarët kyç si Blazh Janc, Borut Maçkovshek, Dean Bombaq, Blazh Blagotinshek, Jure Dolenec, Tilen Kodrin, Aleks Vlah e disa të tjerë, tani pret përballjen me kombëtaren e fundit të grupit”, shkruan mediumi slloven “Sport.slo”.
Në pesë ndeshje të Grupit 7-të, Sllovenia kryeson me tetë pikë, Mali i Zi dhe Bosnja e Hercegovina kanë nga gjashtë sosh dhe Kosova është pa pikë.
