Pas përfundimit të stinorit të rregullt në Superligë, fokusi i katër skuadrave të hendbollisteve është te turneu final i Kupës së Kosovës.
Ndeshjet gjysmëfinale luhen të shtunën në Pallatin e Rinisë dhe Sportit në Prishtinë.
Prej orës 13:00 takohen Vushtrria e Prishtina. Prishtina nuk është në plejof dhe ka rastin e vetëm për trofe.
Por nuk do ta ketë lehtë ndaj Vushtrrisë që përfundoi kampionatin në vendin e tretë dhe synon të paktën finalen e Kupës.
Pritet ndeshje e fortë e interesante.
Njëjtë do të jetë edhe prej orës 17:00 kur takohen Istogu dhe Ferizaj.
Istogu ka fituar të gjitha 18 ndeshjet e stinorit të rregullt.
Po ashtu është fitues në fuqi i Kupës.
Ferizaj në stinorin e rregullt përfundoi i dyti. Ferizaj është në kërkim të Kupës së parë të Kosovës dhe pritet ta sfidojë seriozisht Istogun për vendin në finalen e së dielës.
