Kastrioti i Ferizajt po riorganizohet në mënyrën më të mirë për edicionin e ri në Superligën e Kosovës në hendboll (meshkujt).
Sponsori aktual, Faton Hasani, po e bën një punë të madhe dhe sot ka pas takim me hendbollistët.
Një takim i frytshëm në palestrën e sportit “Bill Clinton” në Ferizaj.
Lojtarët e KH Kastriotit ftojnë në takim kryesinë e dorëhequr të klubit respektivisht ish kryetarin z. Faton Hasani.
“Lojtarët shprehën falënderimin e thellë për punën e kryesisë duke e vlerësuar lartë kontributin, transparencën dhe bashkëpunimin.
Po ashtu trajnerët dhe lojtarët konfirmuan vazhdimin e tyre në klub dhe njoftuan edhe për ardhje të reja të lojtarëve ferizajas që aktualisht janë në klubet tjera”, thotë Hasani.
Gjithashtu u vlerësua lartë gjesti i anëtarëve të kryesisë për gatishmërinë për të vazhduar me sponsorim për klubin.
Ndërsa ish kryetari në emër të kryesisë së dorëhequr i falënderoj lojtarët dhe trajnerët për mirënjohjen e treguar dhe ju premtojë mbështetjen e vazhdueshme nga kryesia e dorëhequr përmes sponsorizimit dhe çdo forme tjetër të mundshme.
