Italia është kampione e Evropianit U19 - Divizioni B për hendbolliste të mbajtur në Prishtinë.
Të dielën në finalen e madhe, Italia fitoi ndaj Austrisë me rezultat bindës, 29:21.
Italia ka shkëlqyer gjatë gjithë kampionatit, ndërsa i ka fituar të gjitha ndeshjet.
Ka shfaqur nivel të lartë edhe në finale, duke realizuar aksione të bukura dhe mbrojtje shumë të fortë.
Pjesa e parë ishte më e barabartë, ndërsa në të dytën italianet dominuan plotësisht.
E urojmë Italinë për suksesin e madh në ngjarjen e shkëlqyer të mbajtur për nëntë ditë në kryeqytetin tonë.
