Dy hendbolliste nga Mali i Zi, Suzana Ujkiq nga Tuzi dhe Natalia Milatoviq nga Podgorica, sakrifikojnë për kombëtaren e Kosovës.
Suzana në vitin 2019 mori nënshtetësinë e Kosovës dhe Natalia në të 2021, duke iu bashkuar kombëtares së Kosovës dhe deri me tash kanë mbrojtur me sukses ngjyrat e Dardaneve.
Është interesant se si Suzana Ujkiq është prej hendbollisteve më të merituara që Istogu fitoi trofeun e parë në histori të ekzistimit si klub, Kupën e Kosovës pikërisht në vitin 2018.
Sukseset e Istogut lidhen me emrin e Suzanës.
E para, në finalen ë Kupës së Kosovës, që ishte zhvilluar me 6 maj të vitit 2018 në palestrën e sportit “Karagaçi” në Pejë, Suzana ishte më efikasja me 4 gola duke shënuar në momente më të vështira për fitoren me rezultat 20:19 ndaj Kastriotit.
Kjo lojtare tani luan për ekipin Yutz në Ligën e Tretë të Francës por mungesa e saj tash e 2 vite vërehet në mbrojtjen e Istogut.
Natalia është një lojtare luftarake dhe me sukses luan në radhët e Dardaneve.
Është interesant se Milatoviq është me kombësi malazeze por dashuria e saj ishte që të veshë fanellën e Kosovës, e cila iu bë realitet.
Kandidate për kombëtare është edhe Tina Hetemi po ashtu nga Podgorica e Malit të Zi.
