Një aksident me pasojë vdekjen dhe plagosjen ka ndodhur në Shëngjin.
Aksidenti mësohet se ka ndodhur këtë mbrëmje në hyrje të Shëngjinit.
Si pasojë e aksidentit, 2 të rinj kanë mbetur të plagosur.
Dy të rinjtë, të cilët po udhëtonin me motor, dyshohet se janë përplasur nga një makinë tip "BMW", në afërsi të lapidarit në Shëngjin.
Mësohet se ata janë dërguar me urgjencë në Spitalin Rajonal të Lezhës.
Por si pasojë e plagëve të marra njëri prej tyre ndërroi jetë.
Viktima është identifikuar si Indrit Ndreca, 25 vjeç, nga Grykë Manatia.
Policia po punon për zbardhjen e plotë të shkaqeve të këtij aksidenti.
