Policia e Kosovës ka njoftuar se një serb ka kontrabanduar 200 kilogramë mjaltë nga Serbia, duke iu shmangur pikës kufitare.
Policia njofton se rasti ka ndodhur ditën e hënë, rreth orës 19:50.
“Në Gjilan, njësia policore ka ndaluar një veturë që e drejtonte i dyshuari mashkull shtetas i Serbisë dhe gjatë kontrollit i janë hasur 200 kg mjaltë të kontrabanduar nga Republika e Serbisë duke ju shmangur pikës kufitare”, thuhet në njoftim.
Policia bën të ditur se me urdhër të prokurorit malli i kontrabanduar është konfiskuar ndërsa rasti shkon në procedurë të rregullt.
