Dënohet me burg të përjetshëm burri nga Kamenica që e vrau gruan e tij me shufër të hekurit

Kronikë e zezë

Dënohet me burg të përjetshëm burri nga Kamenica që e vrau gruan e tij me shufër të hekurit

Më: 4 dhjetor 2020 Në ora: 13:57
Foto Ilustrim

Nuhi Mavrovqani, është dënuar sot me burgim të përjetshëm nga Gjykata Themelore në Gjilan, pasi kishte vrarë gruan e tij duke e goditur me një shufër, më 25 korrik në Kamenicë.

Lajmin për Telegrafin e ka konfirmuar zëdhënësi i Gjykatës Themelore në Gjilan, Sabit Shkodra.

Nuhi Mavroqani më 25 korrik kishte goditur për vdekje bashkëshorten, Sabilen, në shtëpinë e tyre në fshatin Berivojcë të Kamenicës.

Sipas aktakuzës, tragjedia ndodhi pas një mosmarrëveshjeje mes bashkëshortëve në shtëpinë e tyre.

Tutje sipas Prokurorisë, Nuhi Mavrovqani veprën penale e kishte kryer duke e goditur bashkëshorten e tij me shufër metalike fillimisht në anën e majtë të kokës, duke e rrëzuar në tokë, ndërsa kishte vazhduar duke e goditur në kokë dhe në pjesë të tjera të trupit, po ashtu me shufër metalike. 

Shfaq komentet
comments powered by Disqus
Sot mund të lexoni Shfletoni kopertinat