Njësitet e specializuara anti drogë nga shtabi qendror i policisë që veprojnë në Gjilan, përmes rrugëve operative kanë marrë informatë se një i dyshuar, është në posedim të një sasie të substancës së dyshuar narkotike të llojit marihuanë me qellim të shitjes.
Ndërkohë i njëjti është ndalur dhe gjatë kontrollimit fizik tek i njëjti janë gjetur 15 qese plastike, të mbushura me substancë të dyshuar marihuanë me peshë 16.4 gramë.
Me urdhër të prokurorit, i dyshuari është ndaluar në mbajtje për 48 orë. Rasti i referohet Prokurorisë Themelore, thuhet në komunikatën për media të Policisë.