Policia e Fierit ka sekuestruar një laborator të përpunimit të kanabisit, duke sekuestruar 350 kg kanabis dhe 5 persona janë vënë në pranga.
Sipas informacioneve të para, mes të arrestuarve është dhe pronari i banesës ku përpunohej droga, ndërsa 4 të tjerët janë punëtore që merreshin me përpunimin e kanabisit.
EMRAT
Në pranga Gazment Allkaj, Leonora Jaupaj, Flora Jaupaj, Olimbi Jaupaj, Irma Jaupaj.
Operacioni u krye dje në zonën e Çorrushit dhe Malasit.
Njoftimi i policisë
Mallakastër
Policia godet një rast të prodhimit dhe shitjes së lëndëve narkotike, arrestohen në flagrancë 5 shtetas
Policia e Fierit ka arrestuar në flagrancë shtetasit:
1.Gazment Allkaj, 24 vjeç
2.L.J., 41 vjeçe
3.F.J., 30 vjeçe
4.O.J., 47 vjeçe
5.I.J., 31 vjeçe.
Arrestimi u bë pas informacioneve operative se në banesën e shtetasit Allkaj ishte në proces përpunimi një sasi lënde narkotike kanabis.
Në banesën në fshatin Çorush është gjetur dhe sekuestruar në cilësinë e provës materiale rreth 349 kg lëndë narkotike, një pjesë në proces përpunimi.
Materialet proceduriale i kaluan Prokurorisë pranë Gjykatës së Shkallës së parë Fier për veprën penale “Prodhimi dhe shitja e narkotikëve”.
