Me trimërinë Tënde
Mburret mbarë Kosova
N’monument madhështor
Prishtinën e ruan
Ti o Komandant
Që për Ty s’ka mort
E mahnite botën
Pleq e t’rinj të duan
Populli t’ admiron
Dhe të kujton gjatë
U shndërrove n’mermer
n’shtatore të lartë
E përshkoi epokën
Heroizmi yt
madhështor si n’balada
Madhështor si n’epikë
Bashkë me Legjendarin
Komandant Ademin
Komandant Zahir
koha t’ nxori n’ dritë
I madh në trimëri
I rreptë për armikun
Triumfove prore
Për t'shtrenjtën liri
Barut, pushkë e top
Rrufe për armikun
N'legjendë u shndërrove
Zahir Pajaziti