TELEFONI
Telefonin Erna kur ma dhe
Kujtim nga unë më the e ke
Kur ke mall zërin t’ma ndiesh
Numrit tim mundesh t'i biesh
Veç një gjë mami n’mendje ta kesh
Pa përgjigjeje Ti do të jesh
Çdo mëngjes në ora shtatë
Telefonin e mbanë ngatë
E alarmi kur po bjen
As në varr nuk po më lenë
Shpiti im tek Ti po vjen...
TË KËRKOJ
Të kërkoj në çdo tingull
Të instumenteve tuaja
Ta dëgjoj atë zë të embël
Këngëve dikur të kënduara
Të kërkoj zgjuarësinë
Në bankat e diturisë
Të këroja nëpër sfilatat e bukurisë
Dhe modeleve të pamjes tënde
Hyneshë e bukurisë
Rrugëve të qytetit
Ngado që unë shkoj
Çdo vend që ishim bashkë
Dua që të takoj
Me shikim nga qielli
Provoj Ty të të gjej
Cili yll je Ti Erna
O gjysma e zemrës time
Të porta krah hapur
Unë kam mbetur në pritje
E luti perëndininë
Që Ty të kthej një ditë.
DY NGJYRA
E bardha
ngjanë në dritën e diellit
Në qirinjtë e Naimit
Në shpirtin e Ernes
Dhe në zemër të trimit
E zeza
Sa ngjanë në errësirën
E korbave të zi
Bashkë më mëkatin e botës
Dhe njeriut pa liri
Dy ngjyra si dy fytyra
E bukura dhe e shëmtuara
Janë veç ëndërra
Dy ngjyra si dy jetë
Janë dashuria e urrejtja
E embëla dhe e hidhura
Gëzimi e hidhërimi
Dy ngjyra ka kjo botë
Janë e verteta dhe gënjeshtra
Lumturia e vuajtja.
Eh
Lindja dhe vdekja
Janë dy ngjyra që i ka jeta
Si t’mos ishin këto dy ngjyra
Çarë kuptimi do t'këtë jeta
Edhse nëse e duam njerën
Jeta rrjedh në binar t’veta.
LOTËT
Pranë qiellit
M'i shihni lotët
Në sytë e mi
Në heshtje
Zemra qanë
Në cilin lum
Ka ma shumë lot
A në cilin liqe e det
I kam marr hua
Që faqeve t’mija të rjedhin
T'i zbutinë thatësinë e kësaj vere
Që shpirtin ma thau
Asnjëherë mos ndaloni
Dua një lutje
T'i ndërpritni rrjedhën e shiut
Vetëm për një çast
Për një ditë apo natë
Mos ma tradhtoni premtimin tim
Që Ernes unë i kam dhanë
Dua të bëhem unë ai lum
Ai liqe apo edhe ai det
Kur pulëbardhat mbi valë
Vijnë të fluturojnë
Bashkë me ty Erna.
Ç`MË VJEN
Ç`më vjen
Më aromën e trandafilave
Të majit
Aroma e jote
Është freskia e bjeshkëve
Të Rugovës
Ç`ma sjell buzqeshjën tënde
Ngrohtësija e shpirtit tënd
Engjëllor
Më vjen me rrezet e diellit
Me ngjyrat e ylberit
Ç`më vjen fytyra jote
Si pikturë Perëndie
Kujtimet tona fluturojnë
Me shkëqimin e Hënës
Në ëndërra të bukura
E dallgët e furishme të detit
Përkundin jetën time
Plot dhembje e mall
Për Ty Erna ime.
