Prapë kthehen maskat
Më fort se dikur...
Kësaj radhe me ethe
Shtatë pashë nën lëkurë!
Deri tani të shkretat
I mbajtëm për s’mbari,
Por, nga sot e tutje
Sa për shpirt gomari!
Në luftë me virusin
Po duket efekti,
Me vdekje njerëzore
U mbush kontinenti!
N’ rrugën me kthesa
Ndodhin befasitë,
Maskat pa fytyrë
Vjedhin pasuritë!
N’shtetin e thesarit
Më të ri në botë,
Vidhen milionat
Me gjithë kasafortë!