Ti fluturon drejt meje
Si një ëngjëll i rrallë
dhe fal plot dritë dielli
Befas krahët e tu ëngjëlorë
Përqafojnë ëmbëlsisht
zërin e shpirtit tim
Më mbulon me mijëra ngjyra
të ëmbla me shpirt dashurie
Që shkëlqejnë bashkë me ty
Porsi margaritarë
të shndritshëm diellorë
Magjia e zërit tënd
më ngrohë
Ti noton mrekullisht
në detin e valëve të mia
Ndërsa unë lundroj
në ishullin e fjalëve të tua
të bukura
Të cilat bëhen të miat
Dhe më pas vezullojnë
shkrihen bashkë me ty
Brenda në ylberin tim qiellor.