Ne do bëhemi varr i Fjalëve tona të pa thëna...
Do i marrim me vete, do i ndryj në arkivol, për ne të dy
Me xhelozi, me fanatizëm, si ruante vasha virgjërinë
Si e ruan mashkulli burrërinë
Mos ta di askush fshehtësinë tonë
Deri në vdekje si testament kurorëzimi na shoqëron
Se dikur duheshim barabar me xhelozi
Askush nuk e di e as s'ka për ta dit
Me gjoksin zbërthyer dhe puthitur për të bardhin tëndin gji
Ngulitur si tatuazh në zemër, si dëshmi për dashuri
Tash, për hir të kohës le të lidhim vargun e kujtimeve, zinxhir
Të harrojmë të kaluarën, nga një gotë harrimi duke pirë
Në gotën e verës së pa zbrazur të qelqit,
do të ngjaj në dy sytë e tu të zi
Dua që t'i cakërrojmë t'i shtjerrim e t'i thyejmë gotat
Por jo, assesi zemrat tona të kristalta,
vetëm për të shtrenjtën tonën dashuri !
Dëshmitare duam të kemi në këtë natë,
vetëm hënën bashkë me yjet,
që të na shndris si qiellin e kaltër e të d’lirë
Fjalët tona të pa thënat
Të mbajtura e të ruajtura deri në përjetësi
Të na shoqërojnë deri në fund të jetës sonë,
për t'i mbuluar dheu i zi!...
