Çmimet Oscar nuk do të shmangin pranimin e luftës së vazhdueshme në Ukrainë.
Sipas producentit ekzekutiv të shfaqjes Will Packer, kjo situatë është mjaft e rëndësishme në historinë e njerëzimit dhe se të gjithë janë të vetëdijshëm për këtë.
Çmimet e Akademisë së këtij viti do të zhvillohen në mes të një konflikti gjithnjë e më shkatërrues pas pushtimit rus të Ukrainës afërsisht një muaj më parë dhe më shumë se dy vjet pas fillimit të pandemisë Covid-19, për të cilën Packer tha se “është ndjerë si dekada”, shkruan CNN.
“Ju mendoni për vështirësitë dhe sfidat e të bërit një shfaqje si kjo vitin e kaluar dhe ne nuk jemi plotësisht, jashtë asaj situate për sa i përket Covid-it dhe kemi sfida të tjera tani”
Tutje ai tha se gjatë ceremonisë do të respektohen të gjitha këto, duke treguar edhe sa mirënjohës janë që tani mund të realizohet shfaqja.
“Dhe unë mendoj se pjesë e të qenit mirënjohës është të sigurohemi që ne ta përdorim këtë mundësi për të qenë një festë, për të qenë në çlirim dhe për të qenë një arratisje për njerëzit atje që kanë vërtet nevojë për të.”
Amy Schumer, Wanda Sykes dhe Regina Hall do të organizojnë ceremoninë, e cila do të zhvillohet të dielën.
Schumer, e cila nuk ishte e pranishme në konferencën për shtyp, kishte thënë më parë se ajo u sugjeroi producentëve që të përpiqeshin të bënin që presidenti ukrainas Volodymyr Zelensky të shfaqej përmes satelitit.
Packer nuk do të thoshte nëse ideja u hodh apo jo, duke thënë se vetëm planifikimi i shfaqjes ishte “ende në progres”.
Ndërkohë, Hall i quajti “të bukura” planet e producentit për një njohje të Ukrainës, duke thënë se është një situatë delikate dhe se publiku do ta vlerësojë atë.
