Bora zbardh çdo majë lisi,
Rrënjë thellë në Dardani.
Mbi çdo krye zbardhon plisi,
Dhuratë zotash për shqiptari.
Plis, kur lërohet e mbillet toka,
Për ilirët, strehë, shtresë e qiell,
Me plis, mbi plis, mbështetet koka,
Ante Pellazg, puth yje, hënë e diell.
Majë shkëmbi, majë guri,
Ku shqiponja ngre fole
Plis i bardhë mbi krye burri,
i bën bashkë për komb e dhe.
Kuvend burrash shtrohet plisi,
Zbardhon mali nën flamur.
Një kushtrim, Në këmbë fisi,
Kala guri përmbi gur.
Të djeg lufta të skuq gjaku,
Trimat shkrepin si rrufe!
Lufton djali, ngrihet plaku,
Jeta s’vlen pa mëmëdhe.
Plis, kurorë perëndie!
Shenjtëruar në stuhi,
Simbol paqe, dashurie,
Shekujt tutje, ti prap i ri!
Kadri Tarelli
Gusht 2022.
