Me vite i kam bashkue plagët e atdheut
I vura në gji për me i rujtë afër zemrës
Aty ku i ruaj shekujt e dashurive të shpirtit
Nëse ato një ditë do të më bëjnë pakëz poet
E di të krisur e rebel më kanë bërë me vite
Atëherë kur veten e pava në sytë e hyjneshës
As vet nuk e di se si erdha deri këtu pa u dehë
Askush nuk e beson rebelizmin që ia bëra jetës
Se mendoja që ka jetë pa buzêqeshjen e saj
Të njëjtë na kishte krijue perëndia për njeri-tjetrin
Edhe në traditë me u dashtë deri në çmenduri
Të dytë luftuam në dy fronte për të mbijetuar sot
Për plagët e atdheut luftuam e u bëmë çlirimtarë
Për dashurinë e lotit u bëmë dashnorë të marrë
Me sa mund erdhëm këtu më u ba pakëz poet
Me e fal dashurinë e me u ba ma shumë atdhetar
16 Nëntor 2022
